Ես Մուշեղ Բարսեղյանն եմ, ծնվել եմ 1999 թվականին Հայաստանում։ 2005 թվականին ընդունվել եմ միջնակարգ դպրոց։ 2014 թվականին ավարտելով դպրոցը՝ ընդունվել եմ Փանոս Թերլեմեզյանի անվան գեղարվեստի պետական քոլեջի քանդակի ֆակուլտետը, այնտեղ սովորել եմ 5 տարի։ Ստեղծագործում եմ և ապրում արվեստով։

Զբաղվում եմ նաև գրաֆիկայով, ժանր ընտրելիս սահմաններ չեմ ընդունում և աշխատում եմ ազատ՝ տարբեր կերպարների համադրությամբ և լուծումներով։ Աշխատում եմ տարբեր նյութերով, ինչպիսիք են բրոնզը, փայտը, քարը, երկաթը. տվյալ գրաֆիկաները արված են յուղով և թթվանյութով։ Մասնակցել եմ մի շարք սիմպոզիումների ու ցուցահանդեսների։ Ունեցել եմ նաև անհատական ցուցահանդես։